यो कसको लागि उपयोगी हुनेछ?
अपाङ्गता भएका व्यक्तिको संगठन, सरकारी निकाय, नीति निर्माता, जनप्रतिनिधि, अभिभावक, शिक्षक, अपाङ्गताको क्षेत्रमा काम गर्ने संघ/संस्था।
सूचित छनौटहरू र स्वास्थ्य सेवाहरूमा पहुँचको महत्त्वलाई हाइलाइट गरेर, स्रोतले व्यक्तिहरूलाई उनीहरूको प्रजनन स्वास्थ्य नियन्त्रण गर्न सशक्त बनाउने लक्ष्य राख्छ। यसले शिक्षा र जागरूकता पहलहरूको वकालत गर्दछ जसले स्वस्थ प्रजनन अभ्यासहरूको लागि बुझाइ र समर्थनलाई बढावा दिन्छ, अन्ततः स्वस्थ जनसंख्या र समाजहरूमा योगदान पुर्याउँछ।
ट्रान्सक्रिप्ट: प्रजनन स्वास्थ्य भनेको के हो?
प्रजनन स्वास्थ्य भनेको प्रजनन प्रणाली यसको कार्य र प्रजनन प्रक्रियाको सन्दर्भमा निरोगी रहनु वा बिरामी नहुनु मात्र नभई शारीरिक, मानसिक तथा सामाजिक दृष्टिकोणबाट समेत पूर्ण रुपमा स्वस्थ रहनु हो ।
अर्थात, प्रजनन स्वास्थ्य भन्नाले मानिसको प्रजनन प्रणाली, प्रजनन अंगहरुको स्वास्थ्य र प्रजनन र यौन सम्बन्धी सबै बिषयहरु भन्ने बुझाउँदछ ।
यस अन्तर्गत व्यक्तिहरुले सुरक्षित र आनन्दमय यौन जीवनयापन गर्न सक्षम छन्, तिनीहरुमा सन्तान जन्माउने क्षमता छ, सन्तान जन्माउने, नजन्माउने, कहिले सन्तान जन्माउने, कति समयमा सन्तान जन्माउने भन्ने निर्णय गर्ने स्वतन्त्रता छ भन्ने कुराहरु पर्दछन् ।
पुरुष र महिलालाई सुरक्षित, प्रभावकारी, आर्थिक रुपले हासिल गर्न सकिने, स्वीकार्य र आफ्नो छनोट अनुसारको परिवार नियोजन साधन सम्बन्धी सु-सुचित भइ उक्त साधन सम्मको पहुँच र उपयुक्त स्वास्थ्य सेवा प्राप्त गर्ने अधिकार होस् । जसमा महिलाहरु सुरक्षित गर्भधारण र प्रशव सम्बन्धी सेवा प्राप्त गर्न सक्षम भएको हुनुपर्दछ ।