किशोरावस्थामा नै परिवार नियोजनका साधनहरू लगायत प्रजनन स्वास्थ्य सम्बन्धी जानकारी किन जरूरी छ? 

किशोरावस्थामा नै परिवार नियोजनका साधनहरु लगायत प्रजनन स्वास्थ्य सम्बन्धी जानकारी लिन किन जरुरी छ?

किशोरावस्थामा हुने शारीरिक, भावनात्मक तथा यौनिक परिवर्तनहरुले गर्दा किशोरकिशोरीहरूमा यौन सम्बन्धी जिज्ञासा हुनु स्वाभाविक हो।

परिवार नियोजनका साधनहरु लगायत स्वास्थ्य सम्बन्धी जिज्ञासाहरुमा जानकारी लिन जरुरी हुन्छ।

यस बारेमा समयमै जानकारी भएमा असुरक्षित यौन सम्पर्क र यसबाट हुने असरबाट बच्न सकिन्छ।

साथै किशोर किशोरीहरुलाई स्वास्थ्य सम्बन्धी सेवा मैत्रीपूर्ण व्यवहारमा दिनु पर्छ भनेर स्वास्थ्य तथा जनसंख्या मन्त्रालय, परिवार कल्याण महाशाखाको किशोर किशोरीहरुको स्वास्थ्य तथा विकास रणनीति ८८ मा पनि उल्लेख गरिएको छ।

कसैकसैले परिवार नियोजनका साधनहरु विवाहित व्यक्तिका लागि मात्र हुन् भन्ने सोचेको पाइन्छ, जुन यथार्थ होइन।

प्रजनन स्वास्थ्य सम्बन्धी रोकथाम सम्बन्धी जानकारी र सेवाहरु, कण्डम र परिवार नियोजनका अन्य साधनहरु नेपालका सबै स्वास्थ्य संस्थाहरुमा नि: शुल्क पाइन्छन्।

किशोर किशोरीहरुका यौन तथा प्रजनन स्वास्थ्य सम्बन्धी समस्याहरुको उपचार स्वास्थ्य संस्थामा हुन्छ?

किशोर किशोरीहरुका यौन तथा प्रजनन स्वास्थ्य सम्बन्धी समस्याको उपचार स्वास्थ्य संस्थामा हुन्छ।

स्वास्थ्यकर्मीहरुले किशोर किशोरीहरुलाई बिना भेदभाव मैत्रीपूर्ण स्वास्थ्य सेवा दिन्छन्।

किशोर किशोरीहरुलाई वयस्क व्यक्ति सरह उपचार तथा सेवा पाउने अधिकार हुन्छ।

हालका दिनहरुमा स्वास्थ्य संस्थाहरुले किशोर किशोरी मैत्री सेवा दिने प्रयास सुरु गरेका छन्।

त्यसैले आफ्नो नजिकको स्वास्थ्य केन्द्र वा अन्य कुनै संस्थामा प्रजनन स्वास्थ्य सम्बन्धी सेवा भए नभएको पत्ता लगाउनु पर्दछ।

नेपालले हस्ताक्षर गरेको अन्तराष्ट्रिय मानव अधिकार सम्बन्धी महासन्धी आर्थिक, सामाजिक तथा साँस्कृतिक अधिकार सम्बन्धी अन्तराष्ट्रिय प्रतिज्ञापत्र १९९६ मा स्वास्थ्य सेवा पाउने अधिकार छ, जसमा प्रजनन स्वास्थ्य सम्बन्धी सेवा समेत पर्दछ।

यो महासन्धि अन्तराष्ट्रिय रुपमा मान्यता प्राप्त छ, जसमा हाम्रो देश नेपालले पनि हस्ताक्षर र अनुमोदन गरेको छ।.

तसर्थ किशोर किशोरीहरुले आफुलाई आवश्यक भएको सेवा लिनु पर्दछ यसका लागि हिचकिचाउनु पर्दैन।