यो कसको लागि उपयोगी हुनेछ?
अपाङ्गता भएका व्यक्तिको संगठन, सरकारी निकाय, नीति निर्माता, जनप्रतिनिधि, अभिभावक, शिक्षक, अपाङ्गताको क्षेत्रमा काम गर्ने संघ/संस्था।
स्रोतले श्रवणदृष्टी बिहिनताको बारेमा सचेतना बढाएर, त्यस्ता व्यक्तिहरूको लागि बुझाइ बढाउने लक्ष्य राख्छ। यसले समावेशी अभ्यासहरू, सञ्चार रणनीतिहरू, र सेवाहरूमा पहुँचको महत्त्वलाई जोड दिन्छ जसले श्रवणदृष्टी बिहिन व्यक्तिहरूलाई पूर्ण जीवन जिउन र उनीहरूको समुदायमा पूर्ण रूपमा सहभागी हुन सशक्त बनाउँछ।
ट्रान्सक्रिप्ट: श्रवणदृष्टी बिहिन भनेको के हो?
अभिभावक: मेरो छोरा सौरभ जन्मजात सुन्न र देख्न सक्दैन । सौरभलाई आफ्नो दैनिक क्रियाकलाप आफैले गर्न कठिनाई हुन्छ ।
जवान व्यक्ति: म जन्मजात बहिरा हुँ । दिनदिनै मेरो भिजन घट्दै गैरहेको छ ।
म स्पर्श संचार प्रयोग गर्छु ।
वयस्क पुरुष नम्बर एक: म पूर्णदृष्टिविहिन व्यक्ति हुँ ।
मेरो कानको सुन्ने क्षमता बिस्तारै घट्दै गएको छ । म हेयरिङ एड प्रयोग गर्छु ।
वयस्क पुरुष नम्बर दुई:म जन्मजात सुस्त श्रवण, पछी आँखा कमजोर हुदै गएको छ ।
संचारको लागि साङ्केतिक भाषा, स्पर्श संचार प्रयोग गर्छु ।
कथाकार: एउटै व्यक्तिमा सुनाई तथा दृष्टि सम्बन्धी दुवै अपाङ्गता हुनु श्रवणदृष्टि विहिन अपाङ्गता हो ।
तपाईको छरछिमेकमा पनि यस्तो अवस्थाका व्यक्तिहरु छन् भने हामीलाई सम्पर्क गर्नुहोस् ।
थप जानकारीका लागि,
राष्ट्रिय बहिरा महासंघ नेपाल
भृकुटीमण्डप काठमाण्डौ