हात्तिको जुत्ता (भिडियो)

सानो हात्ती हुत्त हुत्तियो ।

त्यहाँ ठुलो पत्थर थियो ।

पत्थरमा ठोकिएर हात्तीलाई घाउ भयो ।

हात्तीले पत्थरमा लात्ती हान्यो । त्यसको घाउ भतभत पोल्यो ।

आमा हात्ती फुत्त आई । त्यसले तत्काल अस्पताल लगी ।

डाक्टरले जुत्ता लगाऊ भने ।

हात्तीलाई जुत्ता ! भनेर आमा हात्ती भुतभुताई ।

हात्ती जुत्ता किन्न गयो ।

भित्तामा जुत्ता झुन्डिएका थिए ।

हात्तीले जुत्ता थुत्त थुत्यो । त्यो सुलुत्त परेको थियो ।

हात्तीलाई जुत्ता मिलेन ।

कति बित्ताको जुत्ता? भनेर पसलेले भन्यो ।

हात्ती त्यहाँबाट फर्कियो । कोठामा गई बत्ती बाल्यो ।

भित्ताछेउ बाकस थियो । बाकस रित्तो थिएन ।

बाकसमा ठुलो जुत्ता थियो । हात्तीलाई सुरुमा पत्यार लागेन ।

आज हात्तीको जन्म उत्सव रहेछ ।

जुत्ता आमा हात्तीको कोसेली थियो ।

मुख्य शब्दहरु

हात्ती

हुत्त

पत्थर

लात्ती

फुत्त

तत्काल

अस्पताल

भित्ता

थुत्त

सुलुत्त

बित्ता

बत्ती

रित्ता

पत्यार

उत्सव